أهم استثمار في حياتك مش بس إنك تستثمر في نفسك، لكن إنك تستثمر في فهمك لنفسك.

📌 الدورة ديه ممكن تكون احد الدورات اللي تغير حياتك بالكامل، وممكن تخرج منها وانت مش مستفيد أي حاجه.
الدورة ديه مليئة بالمعلومات القيمة والمواضيع اللي فعلا في غاية الأهمية✨. مواضيع ومعلومات بتكون أول حاجه الطبيب النفسي بيشرحهالك وبيكلمك فيها فجلسات تمنها اضعاف تمن الدورة ديه. المواضيع المذكورة فالدورة فعلا لو بدأت تمسكها وتدرسها وتطبقها هتبدأ تلاقي "تغيير فالسلوك". ⚠️ ولكن صدقني الدورة ديه لو انت داخلها بس عشان تبقا انسان احسن فانت مش هتستفيد حاجه. لازم تدخل الدورة وانت عندك سلوك معين عايز تكتسبه أو سلوك عايز تبطله. وتبدأ تمشي مع الدورة واحده واحده كأنك بتكتب خريطة تعديل السلوك ده بالتحديد، وتبدأ فنفس اللحظة اللي بتسمع فيها الدرس تكتب المعلومات من منظورك الشخصي ومن منظور السلوك ده، تبدأ تسأل نفسك طب ازاي هطبق المعلومات ديه علي السلوك ده، تبدأ تتذكر مواقف حصلت ليك فالماضي وتبدأ تربطها بالمعلومات اللي اتعلمتها، تبدأ تكتب رؤوس النقط واهم الحاجات اللي اتعلمتها ، وأهم حاجه انك متكنش بتفرغ بس الكورس ولكن انك تكون بتكتب من منظورك وبتحكي بصدق اللي جوا قلبك فالتفريغ ده. لو عملت ده هتخرج من الدورة ديه معاك خريطة حقيقية للتغير. وعشان كده بنصحك ان لو عندك اكتر من سلوك فشوف الدورة كذا مرة. مرة لكل سلوك لأن صدقني الكلام ده لو قعدت تسمعه من غير ما تطبق ومن غير ما تسقطه علي حياتك فمش هتستفيد حاجه. وأنصحك برده وبشده انك تقرأ المقالات الي فالدروس وكمان تروح لشات جبت تخليه يزودك معلومات أكتر عن أنماط العلاج السلوكي المختلفة وتبدأ توسع مداركك وتتعلم أكتر وتخلي الدورة ديه هي بداية التغيير 🚀