رأي من أخ وطالب يتمني لكم دوام التفوق والتقدم

السلام عليكم انا من محبي منصه المدرسه وافتخر لكوني طالب بها واشكر جميع العاملين بيها علي هذا المحتوي الرائع.
ولكن انا عايز اتكلم عن الدورة دي , اول مره ادي تقييم لدوره في منصه المدرسه اقل من خمس نجوم الدورة ليست علي مستوي دورات منصه المدرسه وكان ممكن تخرج بشكل احسن من ده بكتير وهذكر ده في نقاط

1- المسار الي فات مسار بناء المواقع التفاعليه باستخدام html and css كان متدرج في الصعوبه بنمشي خطوه خطوه والحاجه لو صعبه بيبقا عليها امثله وبنبطق عليها عملي كتير
2- قله التطبيق العملي والشغل كله في فايل واحد كان انسب حاجه نخلي كل درس منفصل لواحد في فايل لواحده ويبقا ده فولدر للسكشن ومثلا لو هما 3 سكاشن يبقو تلات فولدرات في مواد الدورة زي دورات البايثون مع باشمهندس احمد فتحي
3- المفروض دي اول احتكاك لينا بجافا اسكربت والدنيا تبقا سهله ولكن الدورة صعبت الدنيا اكتر ودي مش عاده استاذمحمد ابوسريع لانه دايما بيبسطلنا الدنيا ولكن كأن الدورة دي اتعملت علي عجل , ولو بجد المحتوي ينفع يتحدث فالقائمين علي الدبلومة لازم يعيدو النظر في الدورة دي بجد لان بعد المحتوي العالي بتاع المسار الي فات الدورة دي صعب تاخد تقييم عالي
4- انا لا انكر اي مجهود محطوط في الدورة ولا اي تعب لباشمهندس محمد ابو سريع والاخوه المعدين معاه ولكن احنا اتعودنا من المدرسه علي المحتوي عالي الجودة والسهل والمبسط

ارجو ان تأخذو كلماتي علي محمل النصح لا التنظير يعلم الله ان احبكم فيه واتمني لكم دائم التفوق.

ولأخي الطالب الذي يقرا كلامي استعن بالله ولا تعجز و اسال الله ان يفهمك ويشرح صدرك 💖