تأسيس يمهدك لأفضل

انتهيت من المسار وللَّه الحمد ضمن الدفعة الخامسة في الدبلومة، المسار بيبدأ معاك من الصفر لحين ما تبدأ تندمج مع الوضع الحالي وخدت دفعة تأهلك لما هو قادم من التحديات، قابلتنا تحديات ومشاريع ممتعة ومختلفة ومتعة التعلم في البداية شعورها عظيم لاسيما لما تحس إنك فاهم وتكسر حاجز خوفك من البرمجة ومشتقاتها، ولكن يا صديقي ليكن في علمك إن ما سينفك بعد توفيق اللَّه سبحانه هو مهارات البحث ويكون عندك النهم والفضول للمعرفة، طبيعي هنا في المدرسة أو غيرها من المنصات إنك مش هتاخد كل حاجة، وبهذا هتكون محتاج تبذل جهد علشان تصلح مشكلة قابلتك، تسأل الأصدقاء لمحاولة الوصول لحل، تشوف مقاطع أخرى وأمثلة توضحلك الأمر، وده طبيعي لأن ليس هناك ما هو كامل إلّا اللَّه سبحانه وتعالى، فمتسعاش للكمال وتكون منتظر كل حاجة تجيلك لحد عندك.. ويؤسفني أقولك إن ده مش هيحصل حتى في أحلام اليقظة هتلاقي الأمر صعب، دُمتم بخير.