مشاريع تطبيقية باستخدام بايثون + ChatGPT

(78)

هايل

التدريب رائع

بارك الله فيكم

بيشرح بالعربي لكن بيتعامل بالانجليزي انا مستواي ضعيف في اللغة الانجليزية حتي لو فاهم الشرح لكن حاسس ان فيه شيئ غريب مش فهمه بسبب اللغة التي يتعامل بيها المحاضر مع الاداء انا مقدر ان وقت اصدار الاداء كان في الاول غير متجاوب مع اللغة العربية جيدا وبصراحة استفدت جدا من التخطيط للبرنامج ودي اكبر استفاده من الكورس انه علمني ازاي اخطط صح واعمل خريطة ذهنيه لكن كا كورس ممتاز انصح به اي شخص وبشده

الدورة مفصلة والأمثلة متنوعة جزاكم الله خيرا

جزاكم الله خيرا

الكورس دسم جدا لدرجه انه المعلومات بتتنسي فبترجع تسال الشات علي الاجابه يحتاج الي تعديل في طريقة شرح المشاريع ممكن تقسيمها الى خطوات بسيطة في كذا محاضرة وبعدها تتحسن عن طريق الشات

عمل مشاريع يعزز الفهم.

الدورة مفيدة جدا من حيث انها بتاخدك من مرحلة النظري لمرحلة التطبيق العملي مع التركيز علي التفاصيل المهمة في بناء المشروع من حيث التخطيط و تقرير الطريقة الأمثل للتنفيذ .. بالإضافة الي انها بتفتح الباب ازاي تدور و ازاي تفكر تحسن و ازاي تطلع بالمعلومة اللي انت محتاجها من البحث و كم المعلومات اللي هتلاقيها وتتعلمها و انت بتبحث. مشكور جدا الجهد المبذول في الدورة دي.

الدورة بطبيعتها واجهت فيها بعض الصعوبات وده راجع لإنها تطبيق عملي مع مفاهيم جديدة ونظام جديد، والعقل بطبيعته في المرحلة دي بيتبرمج على هيئة جديدة للتعامل مع المشاريع والتحديات الي قدامك، الُزبدة وما يُفيد من هذه الدورة هو إخراجك من دائرة التسرع والعجلة للتفكير والتخطيط وده الي بيفرق بين عقلية الـ Junior - Senior ومن المهم أنك تفكر كده دلوقتي، أستمتعت بالتحديات والتعامل مع الأكواد وخاصةً جانب التعديلات بحيث إني أتعلمت أزاي أحسن مشروعي وأخرج منه بأفضل شكل مُمكن وإزاي أضيف مُميزات أكتر للمشروع، الرحلة مُمتعة ولكن يجب أن تكون على الأستعداد لما سُتقابله، دُمتم بخير.

كانت تجربة ممتعة جدا, إتعلمنا إزاي نكسر الرهبة في تنفيذ اللي إتعلمناه. إتعلمت فيها أهم نقطة و هى إزاي تفكر كمبرمج وكمهندس برمجيات مش مجرد كاتب كود. أخر الأمور هى كتابة الكود و الخطوات اللي قبل كتابة الكود هى الأهم يمكن من كتابة الكود نفسه لإن من غيرها كتابة الكود هتكون أطول وأصعب و أقل دقة. الأول هتفكر في الكود وهتفهمه و هتعرف هو عايز ايه بالظبط منك و بعد كدا هتعمل ال plan بتاعتك و هتكتب ال pesudocode كل دا هيوصلك لفهم اللوجيك أكتر وأخر حاجة هتبتدي تكتب الكود و تريفلكت التغيرات بتاعتك في الplan لو هتغير حاجة فيها أثناء كتابة الكود أو حتى لو قررت تضيف أكثر. إتعلمنا كتير بإسلوب جميل و ممتع وعملي جدا, لا أخفي فرحتي لما ربطت اللي إتعلمناه في جيت هاب و الGUI و ال API ببعض و كمان عدلت على المشاريع القديمة و أضفت عليها. شكرا و جزاكم الله خير و القادم أفضل إن شاء الله...

مشاء الله شرح فوق الروعة الله اسأل ان ينفع بك دائما وان يجعل ذلك في ميزان حسناتك وان ينفعنا الله بما علمنا في هذه الدورة والله أسأل التوفيق والعون والتسديد وبجد اتعلمت ان التخطيط اهم شيء في اي شيء انا كنت في الطبيعي بخطط لكن مش بالشكل دا و التخطيط علي miro بيساعد جدا في ان رؤية المشروع ككل تكون واضح لي كذلك ان المشروع مهما كان من الخارج يخض لكن مع التخطيط والبدء السليم كل حاجه بتكون تمام وبصراحة شكرا ليك جدا لما سيبت الفيديو اللي chat gpt غلط فيها بحيث نعرف ان ال AI مش ديما صح ودا يخلينا ناخد حرصنا الدائم بعدم اخذ نتائج الذكاء الاصطناعي كحقيقة مسلمه شكرا لك وشكرا للقائمين علي المدرسة

كانت الدورة ممتعة ومفيدة جدًا، والحقيقة أنها علمتني درسًا مهمًا وهو أن أبدأ أي مشروع أو برنامج بثقة وقلب قوي، وأكون واثقًا أنني من خلال البحث سأتمكن من إنجاز المشروع أو على الأقل سأتعلم شيئًا جديدًا وأستفيد، ولا مجال للتوقف أو الإحباط. بالتوفيق للجميع.

الحقيقة ان الدورة دي علمتني حاجة مهمة جدا ان ادخل علي اي مشروع او برنامج بقلب جامد وواثق اني هقدر عن طريق البحث اني انجز المشروع او علي الاقل هقدر اتعلم حاجة جديد وهستفاد ومفيش مجال اني اقف او احبط بالتوفيق للجميع

دورة استخدام بايثون مع ChatGPT هي الأقوى عمليًا في عالم الذكاء الاصطناعي التطبيقي! منذ اللحظة الأولى، تنطلق ببناء مشاريع حقيقية مثل: ✅ لعبة حجر-ورق-مقص ✅ محول العملات ✅ محرر نصوص ذكي ✅ قائمة مهام (To-Do List) ✅ موقع سكرابر (Website Scraper) وحتى لعبة التخمين الذكية (Guessing Game)! كل مشروع مصمم بذكاء ليُعلمك كيف تُدمج ChatGPT مع بايثون لإنتاج تطبيقات فعّالة في دقائق. المواد التعليمية (Course Materials) ممتازة، الفيديوهات واضحة، والتعليمات خطوة بخطوة. أحببت بشكل خاص: 🔥 12 أقسام، 6 مشاريع ، 3 مواضيع متقدمة – كل شيء في دورة واحدة! 🔥 التدرج المنطقي: من المشاريع البسيطة إلى المتقدمة مثل السكرابينج والأتمتة. إن كنت تريد تحويل أفكارك إلى تطبيقات تعمل فعلاً بمساعدة الذكاء الاصطناعي، فهذه الدورة هي الخيار الأمثل. شكرًا للفريق – تجربة تعليمية لا تُنسى!

بصراحة لو ينفع اعمل تقييمين كنت عملت تقييم للصنف الاول من الناس اللى بتحب تجرب و تبحث وتتعلم اازاى توصل للمعلومة فالتقييم هايكون خمس نجوم و ده بسبب كمية الاستفادة اللى هاتحصل لك لما تشوف الطريقة اللى بيشتغل بيها الباش مهندس وازاى تفكر فى البروجيكت من اول ما تستلمه و تعمل له مخطط واضح و مرتب لك افكارك ثم فى مرحلة التنفيذ لما بتقف معاك مشكلة ازاى تروح تسال شات جى بى تى وتبحث وتوصل للمعلومة و فى الآخر لما تخلص تحسن برضه باستخدام شات جى بى تى علشان تكون حققت اقصى استفادة من ادوات الذكاء لاصطناعى اما لو انت من الصنغ التانى من الناس اللى بتحب ان كل تفصيلة تتشرح لك وتفهم الموضوع بشكل كامل فالتقييم ساعتها هايكون 3 نجوم لان فى الدورة دى الباش مهندس فى مرحلة التنفيذ بينفذ الكود نفسه ويعالج المشاكل اللى بتقابله بس مش هاتقدر تقول ان الموضوع اتشرح زى مانت متوقع لكن من وجهة نظرى انك تسيرش بنفسك على اى حاجة تقف معك و ماتعطلش فى اى حاجة ده هايطورك بشكل اكبر من انك تاخد كل حاجة بالمعلقة و ده عن تجربة شخصية و علشان كده انا اخترت الخمس نجوم

التحديات في هذه الدورة وقدرتك على اجتيازها سبب في استمرارك ...كنت لا أفهم ما فائدة وجود مثل هذا الدورة مع امتلاكِ لبعض الأدوات القليلة وبعض المفاهيم الأساسية لا تكفي لعمل مشروع ! ولكن ما تحمله هذه الدورة في طياتها من فوائد أكثر بكثير نحتاج ان ندركها مسبقا ونستوعبها هذه الدورة خطوة مهمة للمبتدئين من خلالها تعلمت: كيف أنقل الأفكار وأصيغها من مجرد فكرةالى مشروع عملى حقيقي نراه كل يوم في حياتناا اليومية واكتسبت من هذه الدورة ستة مهارات أساسية لا يخلو اي مشروع من تطبيقها واستدعائها وأظن أنها المحور الأساسي التي قامت عليه هذه الدورة وهم: ,Business Requirements, Business Logic, Planning, Excution,Testing, continous improvement وكان لاخر مهارتين طبع خاص وفريد حيث تعلمنا برمجة المشاريع بإستخدام الذكاء الاصطناعي ChatGPT كإداة ساعدتني في حل المشكلات وتطوير الحلول.... كذلك المشاريع الخاصة بالألعاب تعلمت منها كيفية الدمج بين البرمجة والإبداع وكيف أحول الأفكار الى ألعاب تفاعلية تجعل المستخدم أكثر تفاعلا وتجعل تجربة المستخدم ممتعة .. تعلمت منها التفكير المنطقي وكيف أضيف لمستي الخاصة على كل مشروع أعمل عليه . شكرا لكل القائمين على منصة المدرسة

الحمدلله

.

من اهم المهارات المكتسبة خلال هذه الدورة هى التخطيط قبل كتابة الكود ثم التفيذ ثم تحسينه باستخدام chatgpt

كانت رحلة ممتعة، الدورة -كما يدل اسمها- تساعد على بناء منهجية في تخطيط المشاريع وتنفيذها وقد أدت هذا الغرض بنجاح، ولكن رغم الأداء الجيد من م أحمد فتحي إلا إنه يتضح أنه لا يكتب بايثون باستمرار وكذلك أداؤه في بعض الفيديوهات يظهر عليه الإرهاق الذي قد يدفع للملل أحيانا، ولكن التقييم العام جيد جدا وذلك لمن عرف ما تقدمه الدورة فهي لا تشرح برمجة ولا تشرح بايثون ولكن تشرح كيفية التخطيط والتنفيذ بمساعدة AI

الشرح جميل و بسيط جزاك الله خير

أتعلمت حاجات جديدة و طبقت الي درسته بشكل عملي.

السلام عليكم صراحة حسيت بملل كتير في هذة الدورة لاني كنت قاعد بنقل وري المهندس بس فلو في طريقة تانيه ربما تكون افضل

فعلا هذه الدورة فيها قدر من التحدي من جهة صعوبة المشاريع ، الجميل تطبيق المعرفة التي تعلمناها في دورة الأساسيات واكتساب مهارة تحليل المشكلة

شرح جميل و مبسط

لن تكتفي في هذه الدورة بالتمرن على لغة بايثون من خلال التطبيق العملي بمشاريع قوية، و لكنك أيضا ستتعلم أشياء جديدة مثل مكتبة Tkinter و مفهوم Try and Except و API Key...إلخ، ومن أهم ما يميز هذه الدورة هو تعليمك عملية بناء المشاريع ككل بدءا من فهم متطلبات المشروع ثم التخطيط ثم كتابة الكود مع تعديل الخطة بناء على أي تغيير جديد ثم الاختبار و تصحيح الأخطاء ثم التحسين المستمر بمساعدة ChatGPT.

التطور كان سريع وممتع ورائع

الأفكار الموجودة في المشاريع لا توصف, تعلمنا من خلالها بعض المتطلبات التي حقا تفيدنا في سوق العمل, خاصة المشروع النهائي Weather APP حيث قمنا فيه بتطبيق جميع الأفكار السابقة ك tkinter و API request. الدورة رائعة بحق, الحمد لله.

شكراََ جداََ علي شرح حضرتك الجميل

فعلا حسيت ان المستوي بتاعي بعد دورة المشاريع دي بالذات نقل في حته تانيه

مشارع وتطبيقات رائعه شكرا علي المجود المبذول

الدورة قيمة ومفيدة جدًا والتطبيق يساعد على فهم جزئيات جديدة ومفيدة بإذن الله جزاكم الله خيرا

المشاريع جيده جدا في بعض الاحيان دماغي كانت بتقفل و بحس اني تايه و مش قادر اطبق بس طبعا مع التخطيط و البحث و ان الرؤية الكامله تكون مكتوبة قدامك بتلاقي نفسك عارف تفكر و اتعلمت ان مش لازم اعاند لما دماغك تقف لازم تفصل و ان لا تيأس

الترتيب والتنظيم والتخطيط قبل البدئ في الحل جعل الاستفادة رائعه و لكى لا تمل وانت تكتب الكود

بتخلينا نطبق اللي اتعلمناه وندور في المصادر ونتعلم اكتر واهم حاجه التطبيق والافكار الجديده بتفتح المدارك

الترتيب والتنظيم الذهني قبل البدئ في الحل جعل الاستفادة مضاعفة دورة جميلة جدا

"المدرسة بتعلمك طريقة تفكير مش بس مجرد ازاى تكتب كود" جملة دايما البشمهندس احمد بيقولها والدورة دى هى التطبيق العملى للجملة دى, ففى الدورة البشمهندس بيبنى ويغرس فى الطالب ازاى تعمل مشروع من اول المتطلبات والتصميم والتخطيط لحد اكتشاف الاخطاء واصلاحها ومن وجهة نظرى طريقة التفكير والتنظيم اهم من مجرد تعلم ازاى تكتب كود بس جزاك الله خيرا معلمنا الفاضل واحسن الله اليكم

شرح اكثر من رائع

ما شاء الله الكورس مليء بمعلومات رهيبة من اول فيديو و الواحد بستفيد فيد اكتر واكتر

رغم بعض الصعولة اللي كانت في الدورة لكن الحمد لله استفدت جدا من الدورة

دورة تطبق من خلالها ما تعلمته في اساسيات البرمجة , وهي فرصة رائعة لمن لم تصل اليه المعلومة في الشرح النظري لتوسيع الفهم والتطبيق اكثر , بالتوفيق لك اخي الجديد في هذه الدورة ❤

التدرج في المشاريع جميل جدا

تمتاز هذه الدورة بالتدرج ولله الحمد كانت دورة مفيدة جدا

لقد كانت تجربة رائعه

الحمد لله رغم بعض الصعوبات كلمت للاخر في الدورة الجميلة دي والمشاريع من اهم حاجة تتعلم منها

الحقيقة المحتوى كان اكثر من رائع وبيساعدك فى التطبيق على كل اللى اتعلمته خلال الاساسيات والاهم انه بيعلمك ازاى تشتغل على مشروع حقيقى والتحديات اللى هتواجهك وازاى تنظم شغلك

جميل

أصعب مسار لكن نتيجته خيالية ويستحق التعب والمجهود

كثرة المشاريع هنا جعلتنا اكثر خبره في لغة بايثون و نمت بالفكر العام للبرمجه عموما

قمة في الجد والاجتهاد وخطه مدروسه للوصول لهذا المستوي Respect

اول ما بدات الكورس اضايقت انها مسجله وافتح الفيديوهات انا مش فاهمه بس لما بدات اركز بصراحه المحتوي تحفه والتركيز علي العملي مخليني افهم اسرع مش خمس نجوم تاخدو 100 نجمه شكرا ليكو ربنا يجعله في ميزان حسناتكو

مهارة البحث الاصرار سهولة الشرح

دورة فيها أفكار كتير وبتنقلك بالتدريج من سهل لمتوسط لمعقد كافكار .. ربنا ينير دروبكم بكرمه ولطفه

فكرة تطبيق ما تلعمته عن طريق المشاريع تجعلك تواجه مشكلات لم تتوقعها وتستفيد منها بعيدأ عن خطوات قبل تنفيذ المشروع اللتي تجعل عندك منهجية عند تنفيذ اي مشروع قادم

ما أعجبني في الدوره ايصال المعلومه بصورة بسيطه كما هي عادة المهندس أحمد و التنوع في المشاريع والتي من خلالها تطرقنا الي مواضيع عديده في البرمجه منها علي سبيل المثال API , GUI و أهم ما يميز هذه الدوره هو التأكيد علي عمل تحليل وخطه للمشروع قبل البدء في كتابة الكود وتنمية مهارة البحث وحل المشكلات التي تواجهك أثناء تنفيذ البرنامج

بتتعلم فيها التخطيط والتنظيم وتقسيم المهام ثم البدء فى التنفيذ مع البحث المستمر حاجه اخرى وهى تنوع المشاريع من السهولة الى التدرج فى الصعوبة وحتتعلم حاجات كتير فى الكورس مثل web scraping, Tkinter, API's, problem solving شكرا جزيلا لكل القائمين على المنصة على مجهودكم الطيب المبارك

الكورس بركز على تكوين عقيلة لدى المتعلم لكيف يفكر لمن يستلم مشروع بدءا بكيف تخطط لتفيذ المشروع ومرورا بكيفية البحث عن حل للعقبات التي تواجهك أثناء بنائه وإستخدام التقنيات الحديثة لمساعدتك مثل chat gpt

تجربة رائعة وماتعة

.